Suryagayatri സൂര്യഗായത്രി - ശാഠ്യം

ശാഠ്യം

URL:http://suryagayatri.blogspot.com/2006/08/blog-post_07.html	Published: 8/7/2006 12:40 PM
	Author: സു | Su

മാമുണ്ണുമ്പോള്‍ വാവയ്ക്ക്‌ അമ്പിളിയമ്മാവനെ‍ താഴത്ത്‌ കിട്ടണമെന്ന് ഒരേവാശി. ഇവിടെ നിന്നേ കാണൂ എന്ന് പറഞ്ഞിട്ടൊന്നും കേട്ട മട്ടില്ല. കരച്ചില്‍ തുടങ്ങി. സഹികെട്ട്‌ അമ്മ ഒരു വലിയ പ്ലേറ്റില്‍ വെള്ളം കൊണ്ടുവെച്ച്‌ അമ്പിളിയമ്മാവനെ അതില്‍ ആവാഹിച്ച്‌ ഇരുത്തി.

കളിച്ച്‌ രസിച്ച്‌ മടുത്തപ്പോള്‍ അടുത്ത ഡിമാന്‍ഡ്‌ തുടങ്ങി. നക്ഷത്രങ്ങളും വേണം. അമ്മ ശ്രമിച്ചിട്ടൊന്നും നക്ഷത്രങ്ങളെ ശരിക്ക്‌ കിട്ടിയില്ല. ശാഠ്യം തുടങ്ങി. പിന്നെ അമ്മ ഒന്നും ആലോചിച്ചില്ല. ഒന്ന് കൊടുത്തു. നക്ഷത്രങ്ങള്‍ കണ്ടുകാണും.

അതിനു ശേഷം ദിവസവും അമ്പിളിയമ്മാവനേയും നക്ഷത്രങ്ങളേയും മുകളില്‍ കണ്ട്‌ രസിച്ച്‌, വാവ, വാശിയില്ലാതെ മാമുണ്ടു.

Buzz It!	Feed Home	Article
Good Article? Buzz It!	Publisher's Site	To View / Comment