തുഷാരം - കുമ്പസാരം
| URL:http://thushaaram.blogspot.com...g-post_114693511661175186.html | Published: 5/6/2006 10:34 PM |
| Author: തുഷാരം |
കുമ്പസാരം
പി കെ ഉണ്ണികൃഷ്ണന്‍
പാപത്തിന്‍ പ്രളയം
ഓസോണ്‍ പാളിയില്‍
തുള വീഴ്‌ത്തുമ്പോള്‍
കരിമേഘം ഭ്രമണപഥത്തിലെ
സൂര്യനെ മറയ്ക്കുമ്പോള്‍
എന്റെ കളിവഞ്ചികയോരോന്നും
നിലയില്ലാകയങ്ങളില്‍
താഴുമ്പോള്‍
ഫാദര്‍
ഞാനീ പള്ളിമണിയുണര്‍ത്തുന്നു.
വിശുദ്ധഗ്രന്ഥത്തിലെ
വാക്യം അച്‌ഛന്‍ മൊഴിയുന്നു.
വിശ്വസ്തനായ സുഹൃത്ത്‌ ജീവാമൃതാകുന്നു.
ഫാദറിന്റെ ചെവിയില്‍
ഞാന്‍ ഓരോന്നും മൊഴിയുമ്പോള്‍
നിറഞ്ഞു നില്‍ക്കുന്നത്‌
ള്ളരിപ്രാവിന്റെ ശാന്തത!
നിനക്കും എനിക്കുമിടയില്‍ ദൈവം
തുമ്പികളില്‍ പാറിവീഴുന്ന
വെട്ടമെന്നു ഫാദര്‍
കുമ്പസാരത്തിന്റെ
അവസാനം ഞാന്‍
ഫാദറിനോട്‌ പറഞ്ഞത്‌
ഞാന്‍ വെളിപ്പെടുത്തുന്നു
"എനിയ്ക്കൊരു സുഹൃത്തിനെ വേണം"
posted by സ്വാര്‍ത്ഥന്‍ at 1:26 PM
0 Comments:
Post a Comment
<< Home