chintha - social and economic development :: ചോദ്യങ്ങള്‍ ചോദിച്ചാല്‍..

social and economic development :: ചോദ്യങ്ങള്‍ ചോദിച്ചാല്‍..

http://www.chintha.com/forum/viewtopic.php?p=567#567	Date: 4/1/2006 11:20 PM
	Author: Sivan

Author: Sivan
Subject: ചോദ്യങ്ങള്‍ ചോദിച്ചാല്‍..
Posted: Sat Apr 01, 2006 11:20 pm (GMT 5.5)

ഇലക്ഷന്‍ സമയമാണ്. വൈകുന്നേരം ബൈക്കെടുത്ത് വെറുതെ കറങ്ങുന്നതിനിടയില്‍ ആറു മീറ്റിംഗുകള്‍ കണ്ടു. ചെറുകിടപരിപാടികളാണ്. പല പാര്‍ട്ടികള്‍. ചിലരൊക്കെ സംസാരം പഠിച്ചു വരുന്നതേയുള്ളൂ. കുറേശ്ശെ ഓരോന്നും നിന്നു കേട്ടപ്പോള്‍ ഒരു കാര്യം മനസ്സിലായി. കേള്‍ക്കാന്‍ നില്‍ക്കുന്നവരുടെ അറിവിനെക്കുറിച്ച് വളരെ വലിയ അജ്ഞതയാണ് പ്രസംഗിക്കുന്നവര്‍ക്ക് ഉള്ളത്. ആധികാരികമായ കണക്കെന്ന നിലയില്‍ ഇത്രയും ഉച്ചത്തില്‍ വിളിച്ചു പറയുന്നതൊക്കെ തെറ്റ്.
ചില ഉദാഹരണങ്ങള്‍
1. കോടികള്‍ തൊഴിലില്ലാതെ കഷ്ടപ്പെടുന്ന.... (?)
2. അമേരിക്കന്‍ കമ്പനികള്‍ക്ക് നാടു നശിപ്പിക്കാന്‍ പരവതാനി വിരിച്ചു കൊടുത്ത... (?)
3. കുഞ്ഞുങ്ങളെ ബസ്സില്‍ നിന്നു തള്ളിയിട്ടു കൊല്ലുന്ന.... (?)
4. വിദേശ കമ്പനികള്‍ നമ്മുടേ കുടിവെള്ളം മുഴുവന്‍ ഊറ്റിയെടുത്തു കഴിഞ്ഞു...(?)
5. മുസ്ലീങ്ങളും ക്രിസ്ത്യാനികളും മാത്രം ഇവിടെ മതിയെന്നു വിചാരിക്കുന്ന...(?)
6. മന്ത്രി പണം കൊടുത്തിട്ടും കാര്യംനടത്താത്ത ഉദ്യോഗസ്ഥര്‍...(?)
നാടിനെപ്പറ്റിയുള്ള ഇവര്‍ക്കുള്ള ധാരണ എന്താണ് എന്നുള്ളതാണ് പ്രശ്നം. ഓരോ മീറ്റിങിനിടയില്‍ നമുക്ക് ചോദ്യങ്ങള്‍ ചോദിക്കാനുള്‍ല സന്ദര്‍ഭം തന്നിരുന്നെങ്കില്‍ എന്ന് ആത്മാര്‍ത്ഥമായി ആഗ്രഹിച്ചുപോയി. ഈ ശബ്ദ മലിനീകരണത്തെക്കാള്‍ എന്തു കൊണ്ടും നല്ലതായിരിക്കുമത്. കുറ്ഞ്ഞപക്ഷം പറഞ്ഞ കള്ളത്തരം മറന്നു പോകാതിരിക്കാനെങ്കിലും..