Kariveppila കറിവേപ്പില - ദോശ

ദോശ

URL:http://kariveppila.blogspot.com/2006/11/blog-post_21.html	Published: 11/21/2006 11:32 PM
	Author: സു | Su

ദോശ പലതരത്തില്‍ ഉണ്ട്. പക്ഷെ ഈ ദോശയാണ് സാദാ ദോശ. പക്ഷെ രാജാവ്. ഇതിന്റെ സ്വാദും മണവും ഓര്‍മ്മയില്‍ നിന്ന് പോകില്ല. ഈ ദോശ, ചട്ണി, സാമ്പാര്‍, മുതലായവയുടെ കൂടെയും, വെറുതേ, ശര്‍ക്കരയുടേയും, പഞ്ചസാരയുടെയും, അച്ചാറിന്റെ കൂടെയും കഴിക്കാം.

പച്ചരി - 3 കപ്പ്

പുഴുങ്ങലരി - 2 കപ്പ്.

ഉഴുന്ന് - 3/4 അല്ലെങ്കില്‍ 1/2 കപ്പ്

ഉലുവ - 2 ടീസ്പൂണ്‍.

ഉപ്പ്

ഉപ്പ് ഒഴിച്ച്, ബാക്കി എല്ലാംകൂടെ വെള്ളത്തിലിട്ട് 5-6 മണിക്കൂര്‍ കുതിരാന്‍ വെക്കുക.

നല്ല മിനുസമായി അരച്ചെടുക്കുക. വെണ്ണപോലെ. ഒട്ടും വെള്ളം അധികമാവരുത്.

ഉപ്പ് അരയ്ക്കുമ്പോള്‍ത്തന്നെ ചേര്‍ക്കുക. പിന്നെ ഉണ്ടാക്കുമ്പോള്‍ ഒന്നുകൂടെ പാകം നോക്കിയാല്‍ മതി.

പുഴുങ്ങലരി വേണമെങ്കില്‍ വേറെ ആയിട്ട് വെള്ളത്തില്‍ ഇട്ട് വേറേത്തന്നെ അരച്ചെടുക്കാം.

എന്തായാലും നല്ല മിനുസമായി അരയണം. ഉണ്ടാക്കി വായിലിട്ട് അരച്ചാല്‍പ്പോരാ.

പിന്നേയും 6-7 മണിക്കൂര്‍ വെച്ച് ദോശക്കല്ലില്‍ ഉണ്ടാക്കിയെടുക്കുക.

വട്ടത്തിലാണ് പതിവ്. നിങ്ങള്‍ക്ക് അത് തെറ്റിക്കണമെങ്കില്‍ ചതുരത്തിലും ഉണ്ടാക്കാം.

വെള്ളം അധികമായാല്‍ ആപത്ത്. ടൂത്ത് പേസ്റ്റുപോലെയേ ഇരിക്കാവൂ. അരഞ്ഞു കഴിഞ്ഞാല്‍. പിന്നെ ഉണ്ടാക്കിയെടുക്കാന്‍ നേരം കുറച്ചുകൂടെ വെള്ളം ഒഴിക്കാം. പുളി ഇഷ്ടമില്ലാത്തവര്‍ക്ക് വേഗം തന്നെ ഉണ്ടാക്കിയെടുക്കാം.

അളവ് കുറച്ച് മാറിയാലും സാരമില്ല. ഒക്കെ ഉണ്ടാവണം.

Buzz It!	Feed Home	Article
Good Article? Buzz It!	Publisher's Site	To View / Comment