Suryagayatri സൂര്യഗായത്രി - പ്ലാവും മുയലും

പ്ലാവും മുയലും

URL:http://suryagayatri.blogspot.com/2006/10/blog-post_29.html	Published: 10/29/2006 9:47 AM
	Author: സു | Su

ഒരു ചക്ക വീണു.

ഒരു മുയല്‍ ചത്തു.

പ്ലാവ്‌ കുറ്റമേറ്റു.

മറ്റൊരു മുയല്‍ വന്നു.

ഇലകള്‍ മൂടിയ പ്ലാവിന്റെ ചുവട്ടിലിരുന്നു.

ഉള്ളില്‍ ചിരിച്ചു.

ഇപ്പോഴൊരു ചക്ക വീഴും.

താനോടി രക്ഷപ്പെടും.

കൊല്ലാന്‍ നോക്കിയെന്ന ആരോപണം ഉന്നയിക്കും.

പ്ലാവ്‌ വീണ്ടും കുറ്റമേല്‍ക്കും.

പാവം പ്ലാവ് പരിഹസിക്കപ്പെടും.

സെക്കന്റുകള്‍, മിനുട്ടുകളായി, മണിക്കൂറായി.

ചക്ക വീഴുന്നില്ല.

മുയല്‍ മുകളില്‍ നോക്കി.

ഒറ്റ ചക്ക കാണാനില്ല.

പാത്തും പതുങ്ങിയും നോക്കി.

പ്ലാവിനു പിന്നിലൊരു വേരില്‍ ചക്ക ചിരിച്ചു നില്‍ക്കുന്നു.

കൂട്ടിനു പ്ലാവും ചിരിക്കുന്നു.

മുയല്‍ ഇളിഭ്യനായി.

വന്ന വഴിക്ക്‌ ഓടിപ്പോയി.

Buzz It!	Feed Home	Article
Good Article? Buzz It!	Publisher's Site	To View / Comment