ഇതിഹാസം /O^O\ ithihasam - ഓര്‍മ്മകള്‍......

ഓര്‍മ്മകള്‍......

URL:http://ithihasam.blogspot.com/2007/01/blog-post.html	Published: 1/30/2007 2:18 AM
	Author: ശനിയന്‍ \o^o/ Shaniyan

ഇന്നു ഞാന്‍ കണ്ടുവെന്നോര്‍മ്മകള്‍ തന്നി-
ലെന്നാത്മാവിന്‍ ലഹരിയാം ഓര്‍മ്മകളെ,
ഓര്‍മ്മകളെങ്ങെന്നു പരതിടും ഓര്‍മ്മകള്‍,
പ്രാണനില്‍ സൂക്ഷിച്ചൊരോര്‍മ്മകളേ..

ചിരിയുമിന്നോര്‍മ്മയായ്‌ മാറുന്നുവോ
പ്രിയ മാനവഹൃത്തിലെ സാഗരത്തില്‍?
അലകടല്‍ തോല്‍ക്കുന്നൊരാരവം സൃഷ്ടിച്ച
സിരകളില്‍ ചുടുനിണം അന്യമായോ?

എവിടെന്റെയോര്‍മ്മകളെന്നാര്‍ത്ത മിഴികളെ
ചുടുനിരില്‍ കഴുകിയാ കൂട്ടിലേറ്റി,
സായാഹ്ന ദേവന്റെയരുണിമചിന്തിടും
മിഴികളാല്‍ നീയന്നു നോക്കി നിന്നോ?

എന്തുചൊന്നീടിലുമെന്നാര്‍ത്ത മാനസം
പ്രാണന്‍ വെടിഞ്ഞിങ്ങു പോന്നതല്ലേ?
ഓര്‍മ്മകളെന്നോടു ചോദിക്കയാണല്ലേ
ഓര്‍മ്മകളെന്തിന്നു വെറുമോര്‍മ്മയായി?

ഓര്‍മ്മയില്ലെന്തിന്നു ഞാന്‍ കാത്തു വെ-
ച്ചതീ ഓര്‍മ്മകള്‍ തന്നുടെ ചെപ്പു കുടം,
ചെമ്പട്ടില്‍ വായ്‌കെട്ടിമൂടിയാ കുടമിന്നു
കുഴിതീര്‍ത്തു മൂടിയാ മാഞ്ചുവട്ടില്‍..

ഓര്‍മ്മകളോര്‍മ്മയായ്‌ മാറി, യെന്നാത്മാ-
വിന്നാരവം നിശ്ശബ്‌ദമായിടുന്നോ?
എന്നിട്ടുമോര്‍മ്മകള്‍ ബാക്കിയായെന്നിന്നു-
മോര്‍മ്മകള്‍ ചൊല്ലിടുന്നെന്റെ കാതില്‍

ഓര്‍മ്മകള്‍ക്കന്തമില്ലെങ്കിലും ഞാനി-
ന്നെന്നോര്‍മ്മകള്‍ തേടിടുന്നോര്‍മ്മകളില്‍..
ഒരുരവം മാത്രമെന്‍ സിരകളില്‍ പടരുന്നു,
ഓര്‍മ്മകള്‍ തേടുമെന്നോര്‍മ്മകളായ്‌..

എങ്കിലും...
ഓര്‍മ്മകള്‍ ഓര്‍മ്മകളായിയെന്നോ?......

Buzz It!	Feed Home	Article
Good Article? Buzz It!	Publisher's Site	To View / Comment