അതുല്യ :: atulya - പെട്ടെന്ന് എഴുതി തീര്‍ത്ത കഥ - 32

പെട്ടെന്ന് എഴുതി തീര്‍ത്ത കഥ - 32

http://atulya.blogspot.com/2006/03/32.html	Date: 3/20/2006 4:42 PM
	Author: അതുല്യ :: atulya

ഇന്നു ഞായറാഴ്ച. 80 വയസ്സുള്ള ദേവുവമ്മായിയും, ഭാസ്കരനമ്മാവനും അന്നും കാത്തിരുന്നു. അമേരിയ്കയിലുള്ള മകന്റെ ഫോണ്‍-വിളിയുണ്ടാവും, കൃത്യം വൈകുന്നേരം നാലിനു വിളിക്കാറാണു പതിവ്‌, ഇപ്പോ രണ്ടു മൂന്നു തവണയായി മുടങ്ങുന്നു. ചോദിച്ചാല്‍ അവന്‍ തട്ടു മുട്ട്‌ പറയും. വിളിക്ക്‌ കാത്തിരിയ്കുമ്പോ, അടുക്കളക്കാരി ഭവാനിയമ്മയുടെ മകന്‍ സേതു വന്നു പറഞ്ഞു .

"മരുന്നെടുത്ത്‌ വച്ചത്‌ കഴിച്ചോ മുത്തശ്ശി? ഭാസ്കരന്റെ മാഷിനു 2 ഗുളിക പുതിയതുമുണ്ടായിരുന്നു. എന്നിട്ട്‌, നിങ്ങളൊന്ന് വേഗം വേഷം മാറ്റൂ, 4 മണിയ്കല്ലേ, ബി.പി, ചെക്ക്‌ ചെയ്യാന്‍ ശീട്ടെടുത്തിരിയ്കണേ?

സേതുവിനു എല്ലാം കൃത്യമായി ഓര്‍മ്മയുണ്ട്‌. അതു മതി.

ഇടയ്ക്‌ വരുന്ന ഫോണ്‍-വിളികള്‍ക്കായി അവര്‍ പിന്നേയും ഞായറാഴ്ചകളില്‍ കാത്തിരിന്നിരിയ്കണം.