Suryagayatri സൂര്യഗായത്രി - സൌഹൃദം
| URL:http://suryagayatri.blogspot.com/2006/06/blog-post_25.html | Published: 6/25/2006 8:59 PM |
| Author: സു | Su |
സൌഹൃദം ഹൃദയത്തില്‍ നിന്നാണ് ആരംഭിക്കേണ്ടത്. എന്നും ഹൃദയത്തില്‍ത്തന്നെ നില്‍ക്കും. വാക്കുകളില്‍ നിന്ന് തുടങ്ങിയാല്‍ വാക്കുകളില്‍ത്തന്നെ ഒടുങ്ങിപ്പോകും.
സൌഹൃദം ഒരിക്കലും തെരഞ്ഞെടുപ്പാവരുത്. പത്രിക നല്‍കി, വോട്ട് ചെയ്ത്, വിജയിച്ച് ...
പരീക്ഷയും ആവരുത്. ചോദ്യങ്ങള്‍ക്ക് ഉത്തരം നല്‍കി, പ്ലസ് മാര്‍ക്ക് നേടി, മൈനസ് മാര്‍ക്ക് നേടി...
സൌഹൃദം പൂവുപോലെ ആവട്ടെ. മെല്ലെമെല്ലെ വിരിഞ്ഞ്, വലുതായി, കണ്ണുകള്‍ക്ക് ആനന്ദം നല്‍കി, സുഗന്ധം പരത്തി... വാടിപ്പോയാലും ഓര്‍മകളില്‍ ആ സുഗന്ധം നിലനിര്‍ത്തി...
സൌഹൃദം ഇപ്പോള്‍ പിറന്നുവീണ കുഞ്ഞിനെപ്പോലെ ആവട്ടെ. അതേ നിഷ്കളങ്കതയോടെ...
സുനാമി പൊലെ ആവാതിരിക്കട്ടെ. മുന്നറിയിപ്പില്ലാതെ വന്ന് നൊമ്പരം മാത്രം ബാക്കി വെച്ച് തിരിച്ച് പോകാതിരിക്കട്ടെ.
മഴ പോലെ ആവട്ടെ. കാത്തിരിപ്പിന്റെ ഒടുക്കം വന്ന് മനസ്സ് കുളിര്‍പ്പിച്ച്, ഇനിയും വരാമെന്ന പ്രതീക്ഷ നല്‍കി കടന്ന് പോകുന്ന മഴപോലെ...
മിഠായി പോലെ ആവരുത്. അലിഞ്ഞലിഞ്ഞ് തീരാതിരിക്കട്ടെ.
പാലുപോലെ ആവട്ടെ. അല്ലെങ്കില്‍ പാലിന്റെ വിവിധരൂപത്തില്‍. തൈരായി മധുരിച്ച് , മോരായി പുളിച്ച്, ലസ്സി ആയി വീണ്ടും മധുരിച്ച്.
സൌഹൃദം കിണറ്റിലെ വെള്ളം പോലെ ആവാതിരിക്കട്ടെ. മധുരമുണ്ടെങ്കിലും ഒരിടത്ത് തന്നെ നില്‍ക്കാതിരിക്കട്ടെ.
ഒഴുകുന്ന പുഴപോലെ ആവട്ടെ. കല്ലും മണ്ണും പാറയും മണലും, ചെടികളും ഒക്കെ സ്പര്‍ശിച്ച് ഒഴുകിക്കൊണ്ടേയിരിക്കട്ടെ.
സൌഹൃദം ഇടക്കാലമഴപോലെ ആവട്ടെ. അപ്രതീക്ഷിതമായി വന്ന് മനസ്സ് തണുപ്പിക്കട്ടെ.
എന്റെ സൌഹൃദം നീ ആവാതെ നിങ്ങള്‍ ആവട്ടെ.
നിന്റെ സൌഹൃദം ഞാന്‍ ആവാതെ ഞങ്ങള്‍ ആവട്ടെ.
സൌഹൃദം ഒരിക്കലും തെരഞ്ഞെടുപ്പാവരുത്. പത്രിക നല്‍കി, വോട്ട് ചെയ്ത്, വിജയിച്ച് ...
പരീക്ഷയും ആവരുത്. ചോദ്യങ്ങള്‍ക്ക് ഉത്തരം നല്‍കി, പ്ലസ് മാര്‍ക്ക് നേടി, മൈനസ് മാര്‍ക്ക് നേടി...
സൌഹൃദം പൂവുപോലെ ആവട്ടെ. മെല്ലെമെല്ലെ വിരിഞ്ഞ്, വലുതായി, കണ്ണുകള്‍ക്ക് ആനന്ദം നല്‍കി, സുഗന്ധം പരത്തി... വാടിപ്പോയാലും ഓര്‍മകളില്‍ ആ സുഗന്ധം നിലനിര്‍ത്തി...
സൌഹൃദം ഇപ്പോള്‍ പിറന്നുവീണ കുഞ്ഞിനെപ്പോലെ ആവട്ടെ. അതേ നിഷ്കളങ്കതയോടെ...
സുനാമി പൊലെ ആവാതിരിക്കട്ടെ. മുന്നറിയിപ്പില്ലാതെ വന്ന് നൊമ്പരം മാത്രം ബാക്കി വെച്ച് തിരിച്ച് പോകാതിരിക്കട്ടെ.
മഴ പോലെ ആവട്ടെ. കാത്തിരിപ്പിന്റെ ഒടുക്കം വന്ന് മനസ്സ് കുളിര്‍പ്പിച്ച്, ഇനിയും വരാമെന്ന പ്രതീക്ഷ നല്‍കി കടന്ന് പോകുന്ന മഴപോലെ...
മിഠായി പോലെ ആവരുത്. അലിഞ്ഞലിഞ്ഞ് തീരാതിരിക്കട്ടെ.
പാലുപോലെ ആവട്ടെ. അല്ലെങ്കില്‍ പാലിന്റെ വിവിധരൂപത്തില്‍. തൈരായി മധുരിച്ച് , മോരായി പുളിച്ച്, ലസ്സി ആയി വീണ്ടും മധുരിച്ച്.
സൌഹൃദം കിണറ്റിലെ വെള്ളം പോലെ ആവാതിരിക്കട്ടെ. മധുരമുണ്ടെങ്കിലും ഒരിടത്ത് തന്നെ നില്‍ക്കാതിരിക്കട്ടെ.
ഒഴുകുന്ന പുഴപോലെ ആവട്ടെ. കല്ലും മണ്ണും പാറയും മണലും, ചെടികളും ഒക്കെ സ്പര്‍ശിച്ച് ഒഴുകിക്കൊണ്ടേയിരിക്കട്ടെ.
സൌഹൃദം ഇടക്കാലമഴപോലെ ആവട്ടെ. അപ്രതീക്ഷിതമായി വന്ന് മനസ്സ് തണുപ്പിക്കട്ടെ.
എന്റെ സൌഹൃദം നീ ആവാതെ നിങ്ങള്‍ ആവട്ടെ.
നിന്റെ സൌഹൃദം ഞാന്‍ ആവാതെ ഞങ്ങള്‍ ആവട്ടെ.
posted by സ്വാര്‍ത്ഥന്‍ at 7:36 PM
0 Comments:
Post a Comment
<< Home