തുഷാരം - പ്രതീക്ഷ
| URL:http://thushaaram.blogspot.com...g-post_115238173622260579.html | Published: 7/8/2006 11:31 PM |
| Author: തുഷാരം |
പ്രതീക്ഷ
വി സി ജൈസല്‍ , ദുബൈ
പണ്ടെന്നോ മരുഭൂമി, വസന്തം കാത്ത്‌
മഴയെ പ്രതീക്ഷിച്ചപ്പോള്‍
പെയ്യാന്‍ മടിച്ച്‌ കാര്‍മേഘങ്ങള്‍
അകന്നു പോയി.....
അവ മറ്റ്‌എവിടെയോ പെയ്‌തു തീര്‍ന്നിരിക്കണം....!
എന്നാല്‍ ,ഓര്‍മ്മകളുടെ തെളിച്ചവും
സാന്ത്വനവുമേകിക്കൊണ്ട്‌, പിന്നീടെപ്പോഴോ
ഇവിടെ മഴ തിമിര്‍ത്തു പെയ്‌തു.
എന്നോ കൊതിച്ച മഴയുടെ താളം
പച്ചപ്പ്‌ കനിഞ്ഞേകിയപ്പോഴും
പഴയ ഊഷ്വരതയും
അറ്റം തേടിപ്പോയ മഴമേഘങ്ങളും
മിന്നല്‍പ്പിണരുകള്‍ പോല്‍
ഇടയ്ക്കിടെ മിന്നിത്തെളിഞ്ഞു
വീണ്ടും ഇന്ന് ആകാശത്ത്‌
മേഘങ്ങളുരുണ്ടുകൂടുമ്പോള്‍
ഉള്ളിലെ സന്ദേഹം പടര്‍ന്നു കയറുന്നു.
"മരുഭൂമിയില്‍ പെയ്യാതകന്ന മഴനൂലുകള്‍
സ്‌നേഹാര്‍ദ്രഭൂമിയില്‍ പെയ്‌തേക്കുമോ? "
posted by സ്വാര്‍ത്ഥന്‍ at 8:07 PM
0 Comments:
Post a Comment
<< Home